बुटवल।श्रृङ्गा प्राथमिक स्वास्थ्य केन्द्रमा स्थानीयले सिटामोल समेत नपाएको गुनासो गरेका छन।
भदौ २४ गते शुक्रबार छत्रकोट गाउँपालिका वडा नम्बर ३ का स्थानीय बिक्रम कार्कि त्यहाँ सेवा लिन गएका थिए तर उनले सिटामोल समेत बाहिर निजी मेडिकलमा किन्न बाध्य भएको आफ्नो सामाजिक सञ्जाल फेसबुकमा लेखेका छन उनले लेखेका छन।
डाक्टर साबले चेक पनि गर्नुभयो औषधीको सिफारिस पनि लेखेर दिनुभयो।डाक्टरले लेखेर दिएको औषधिको सिफारिसमा सिटामोल समेत लेखेको थियो तर औषधि दिने त्यहाँका कर्मचारीले सिटामोल समेत नदिएर बाहिर किन्न बाध्य पारिएको उनको आरोप रहेको छ। स्टाटसमा आएका अधिकांश कमेन्टहरु मा समेत स्थानीयहरूको स्वास्थ्य केन्द्र प्रति गुनासो झल्किएको देख्न सकिन्छ।
यता छत्रकोट गाउँपालिका अध्यक्ष रामप्रसाद पाण्डेले स्वास्थ्य केन्द्रमा सिटामोल पर्याप्तरुपमा उपलब्ध भएको दाबी गरेका छन।नेपाल सरकारले निःशुल्क रुपमा उपलब्ध गराउने ७२ थरीका औषधि मध्ये सिटामोल पनि एक हो सिटामोल आधारभूत औषधि हो।
प्राथमिक स्वास्थ्य केन्द्रका प्रमुख डा.कौशल कुमार मडलका अनुसार अहिले स्वास्थ्यकेन्द्रमा साढे ९ हजार सिटामोल मौज्दात छ स्वास्थ्य केन्द्र र गाउँपालिकाले सिटामोल छ भन्नु तर सेवाग्राहीले सिटामोल नपाउनुमा सेवा संचालन संयन्त्रमा कहीँ कतै कमजोरी भएको देखिन्छ पटक पटक यस्ता केशहरु दोहोरिदै आएका छन्।नागरिकको संविधानमै भएको स्वास्थ्य सेवा निःशुल्क पाउनुपर्ने अधिकारलाई समेत यसले अंकुश लगाएको जस्तो देखिन्छ।
स्थानीय तहका स्वास्थ्य संस्थाहरु अहिले स्थानिय सरकार मातहतमा छन् स्थानीय सरकार मातहतमा रहेको श्रृङ्गा प्राथमिक स्वास्थ्य केन्द्रको व्यवस्थापकीय पाटोमा छत्रकोट गाउँपालिकाको कमजोरी देखिएको छ।
