सुनवल।नवलपरासीको सुनवलमा आज खुला रक्तदान कार्यक्रम सम्पन्न भएको छ।६० औं नेपाल रेडक्रस दिवसको अवसरमा नेपाल रेडक्रस सोसाइटि सुनवल उपशाखाको आयोजना र महाकवि देवकोटा क्याम्पस सुनवल-४ रमवापुरको सह-आयोजनामा सो रक्तदान कार्यक्रम भएको हो।
नेपाल रेडक्रस सोसाइटि सुनवलका उपशाखा रक्तसंचार संयोजक रुद्रकुमारी कण्डेलको अध्यक्षता र सुनवल वडा नम्बर ४ का वडा अध्यक्ष बालकृष्ण पंगेनीको प्रमुख आतित्थ्यतामा कार्यक्रम सम्पन्न भएको हो।
रक्तदान कार्यक्रममा बोल्दै कार्यक्रमका प्रमुख अतिथि बालकृष्ण पंगेनीले रक्तदान महादान भएको उल्लेख गर्दै भाग्यमानी र पवित्र आत्माहरुले मात्र यस्तो दान गर्ने अवसर प्राप्त हुने उल्लेख गर्नुभएको छ।साथै उहाँले रक्तदान गर्नाले मुटु स्वस्थ हुने बताउदै क्यान्सर जस्तो रोग लाग्ने सम्भावना पनि कम हुने बताउनुभयो।
त्यसैगरी कार्यक्रममा बोल्दै नेपाल रेडक्रस सोसाइटी जिल्ला उपसभापति कृष्ण लामिछानेले रेडक्रस स्थापनाको परिचय दिदै रक्तदानको राम्रा पक्षहरुको बारेमा उल्लेख गर्नुभएको थियो।उहाँले रक्तदान गर्नाले शरीरबाट विषाक्त पदार्थ बाहिरिने हुदा अनावश्यक रोगबाट बच्च सकिने बताउदै १८ वर्ष देखि ५५-६० वर्ष सम्मका ४५ केजि भन्दा माथि तौल भएका स्वस्थ मानिले ढुक्क भएर रक्तदान गर्न सकिने कुरा स्पष्ट पार्नुभएको छ।
इन्द्र सुवेदीको स्वागत मन्तब्य र नेपाल रेडक्रस सोसाइटी सुनवल उपशाखाको उपसचिव धनमाया क्षेत्रीको संचालनका सम्पन्न भएको रक्तदान कार्यक्रममा २० जनाको सहभागिता रहेको थियो।
