सुनवल।गुणस्तरीय शिक्षा दिने र राम्रो व्यवस्थापन भएको तथा भौतिक पूर्वाधार सम्पन्न विधालय भन्ने वितिक्कै मानिसहरुको दिमागमा महँगो शुल्क लिने आवासीय विधालयक नाम आउने गर्छन।
तर पश्चिम नवलपरासीको सुनवलमा रहेको सामुदायिक विधालय महाकवी देवकोटा नमुना माध्यामिक विधालय पठनपाठन भौतिक पूर्वाधार,व्यवस्थापन तथा गुणस्तरीय शिक्षा दिन जिल्लामै सफल भएको छ।
शैक्षिक क्षेत्रमा अब्बल मानिएको विधालयले २२ सय विधार्थीको स्वास्थ्यमा पनि सचेत बनेको छ विधालयमा एक जना स्टाफ नर्स सहितको स्वास्थ्य सेवा पनि दिएको विधालयका प्रअ खेमलाल शर्माले बताए।
लुम्बिनी प्रदेश सरकारबाट समेत उत्कृष्ट नमुना विद्यालयको रुपमा पुरस्कृत भएको विद्यालयमा तालिम प्राप्त शिक्षक,पर्याप्त शैक्षिक सामाग्री,उपयुक्त खेलमैदान समेत राम्रो व्यवस्था रहेको छ।
अंग्रेजी माध्यमबाट पठनपाठन हुदै आएको देवकोटा नमुना मा.वि.मा प्रि प्राइमरीमा व्यवस्थीत र सुविधा सम्पन्न मन्टेश्वरी कक्षा संचालन भैरहेको विद्यालयले जनाएको छ।त्यस्तै कक्षा ११ र १२ मा विज्ञान,व्यवस्थापन,कानुन,शिक्षा र मानविकि संकायका विषयहरुमा पठनपाठन भैरहेको छ भने प्राविधिक धारतर्फ पनि विद्यार्थीहरुको चाप उत्तिकै वढिरहेको विद्यालय व्यवथापन समीतिका अध्यक्ष ज्ञानहरि अर्यालले बताए।
