सरु भुसाल, फागुन २८,पर्वत |
पर्वतको विहादी गाउँपालिकामा आजबाट हात्तीपाइले रोग विरुद्धको आम औषधि सेवन अभियान सुरु भएको छ |
विहादी गाउँपालिका स्वास्थ शाखा प्रमुख हरि भुसाले दिएको जानकारी अनुसार गाउँपालिकाले ६ वटा वडा भित्रका विभिन्न स्वस्थ चौकी ,विद्यालय ,धेरै मानिसलाइ पाइपर्ने चोकलाई सेन्टर बनाएर औषधि खुवाइने विहादी गाउँपालिका स्वास्थ शाखाले जनाएको छ | विहादी गाउँपालिकामा आजबाट सुरु भएको अभियान चैत ३ गते सम्म सन्चालन हुनेछ । हात्तीपाइले रोग विरुद्धको औषधि सेवन गरेर आफू र आफ्नो परिवारलाई हात्तीपाइले रोककै कारणले हुन्न सक्ने अपाङ्गता बाट बाच्न र बचाउन समेत गाऊँपालिकाले अनुरोध गरेको छ |
यो औषधी दुई वर्ष नपुगेका बालबालिका, गर्भवती र ७ दिनसम्मका सुत्केरी, छारे रोगी तथा सिकिस्त बिरामीले भने खान नहुने भुसालले जानकारी दिनु भएको छ | अरु व्यक्तिले खानासँगै वा खानापछि यो औषधी खान मिल्ने बताउनु भयो ।
सरकारले आज बाट १० जिल्लामा हात्तिपाईले रोग विरुद्ध औषधी खुहाउने अभियान सन्चालन गरेको छ ।
