१० जिल्लामा हात्तिपाइले विरुद्धको औषधि खुवाउने अभियान सुरु »

फागुन २८, काठमाडौ ।

सरकारले आजदेखि १० जिल्लामा हात्तिपाइले विरुद्धको औषधि खुवाउने कार्यक्रम सुरु गरेको छ।
हात्तिपाइले रोग निवारणका लागि मोरङ, कपिलबस्तु, दाङ, बाँके र कैलाली ५ जिल्लामा तीन प्रकारका औषधि र झापा, बारा, लमजुङ, पर्वत र बागलुङ ५ जिल्लामा दुई प्रकारका औषधि खुवाउन सुरु गरिएको स्वास्थ्य सेवा विभाग अन्तर्गत्को इपिडिमियोलोजी तथा रोग नियन्त्रण महाशाखाले जनाएको छ।
विश्व स्वास्थ्य संगठनले सन् २०२० सम्ममा विश्वबाटै हात्तिपाइले रोग निवारण हुने लक्ष्य लिएको थियो। तर नेपालमा अझै पनि जोखिम रहेकाले औषधि वितरण कार्यक्रम हुँदै आएको छ।