परासी, २५ फागुन । पश्चिम नवलपरासीको रामग्राम नपामा कोभिड–१९ तथा अन्य सरुवा रोगहरु सम्बन्धि एकदिने अभिमुखीकरण कार्यक्रम सम्पन्न भएको छ ।
रामग्राम नगरपालिका स्वास्थ्य शाखाको आयोजनामा रामग्राम नगरपालिका वडा ७ स्थित उनवच स्वास्थ्य चौकीमा वडा ७ का अध्यक्ष शिवशंकर प्रसाद हरिजनको अध्यक्षतामा उक्त अभिमुखीकरण सम्पन्न भएको हो । अभिमुखीकरणमा स्वास्थ्य चौकीका स्वास्थ्यकर्मी, महिला स्वयंसेविका, स्थानिय जनप्रतिनिधि र विभिन्न सरोकारवालाहरुको उपस्थिती रहेको थियो ।
अभिमुखीकरण कार्यक्रममा सुक्रौली स्वास्थ्य चौकीका ईन्चार्ज सिअहेब अधिकृत बलराम सापकोेटा, स्वास्थ्य शाखाका हेल्थ असिस्टेन्ट सुरज गौतमले कोभिड–१९ सहित विभिन्न सरुवा रोगहरुका बारेमा आफनो प्रस्तुतीकरण राखेका थिए ।कार्यक्रममा सरुवा रोगहरु लाग्ने माध्यम, बच्ने उपाय र यसको रोकथामका लागि अपनाउने उपायहरुका बारेमा जानकारी दिइएको थियो ।
मौसम परिवर्तन, दुषित खानपान,सरसफाई लगायतका क्षेत्रमा ध्यान नदिने कारण्बाट हैजा,छाडापखाला,आउँ पर्ने,पेटमा जुका पर्ने,टाईडफाईड,लगायतका सरुवा रोगहरु हुने हुँदा त्यसको रोकथाम र बच्ने उपायका बारेमा छलफल भएको थियो।
अब गर्मी र बर्षायाममा सरुवाको रोगहरुको संक्रमण बढि हुने हुँदा उक्त चेतना र रोकथामका विधीहरु स्थानिय स्तरमा चेतनाको रुपमा फैलाउन आवश्यक रहेको कार्यक्रमबाट निस्कर्ष निकालिएको थियो । कार्यक्रममा वडा अध्यक्ष शिव शंकर प्रसाद हरिजन,सिअहेब अधिकृत बलराम सापकोटा,हेल्थ असिस्टेन्ट सुरज गौतम,बेस नेपालका तिर्थ ढुंगाना,उनवच स्वास्थ्य चौकीका बलिराम कोईरी लगायतले आफनो मन्तब्य राखेका थिए ।
