परासी।नेपाल सरकारले सुन र सुनका गहनामा २ प्रतिशत विलासिता कर र हिरा लगायतका बहुमूल्य वस्तुहरूमा १३ प्रतिशत भ्याट लगाउने निर्णय गरेपछि देशभर सुनचाँदी व्यवसायीहरू आन्दोलित भएका छन।सुनचाँदी व्यवसायी संघ पश्चिम नवलपरासी समितिले सोमबार करदाता सेवा कार्यालय परासीको गेट अगाडि आयोजनामा धर्ना गरेका हुन।
व्यवसायीहरूले “भन्सार दर ६% कायम गर”, “हिरा तथा पत्थरमा लगाइएको १३% भ्याट खारेज गर”, “व्यवसायिक एकता जिन्दाबाद”,“सुनमा लगाइएको विलासिता कर खारेज गर”, “सुनचाँदी व्यवसायीका लागि स्पष्ट नीति बनाउ”, “उपभोक्तामा लगाइएको विलासिता कर खारेज गर, हाम्रो आन्दोलन जारी छ” जस्ता नारा लगाएका थिए।
सरकारले व्यवसायिक हित विपरीत करको दर तोकेको र उपभोक्तामाथि समेत अनावश्यक करको बोझ थोपरेको भन्दै असार १३ गतेदेखिनै आन्दोलनको निरन्तर दिएको सुनचादिँ व्यवसायी संघ नवलपरासी महासचिव देवेन्द्र सुनारले जानकारी दिए। संघले व्यवसायी र उपभोक्ताको हितमा स्पष्ट र व्यवहारिक नीति बनाउन सरकारसँग माग गरेको छ।
