सुनवल । पश्चिम नवलपरासीको सुनवलमा क्रियाशील विभिन्न ७ वटा संघसंस्थाको संयुक्त आयोजनामा होली मिलन कार्यक्रम आयोजना गरिने भएको छ । होलीलाई सद्भावपूर्ण रुपमा भव्यताका साथ सम्पन्न गर्न चैत्र १२ गते सोमबार बिहान ८ देखि सुनवल सी गेटमा होली मिलन कार्यक्रम गरिने भएको हो ।
उद्योग वाणिज्य संघ सुनवल , सुनवल प्रेस क्लब , सामुदायिक विद्यालय व्यवस्थापन समिति महासघ सुनवल नगर समिति , सुनवल खानेपानी उपभोक्ता तथा सरसफाई सस्था , सुनवल प्याब्सन, सुनवल जेसिज र लायन्स क्लब अफ सुनवलको सयुक्त आयोजनामा होली मिलन कार्यक्रम आयोजना गरिएको उद्योग वाणिज्य संघ सुनवलका अध्यक्ष रमेश कर्माचार्यले बताए ।
संयुक्त होलि मिलन कार्यक्रमले सुनवलवासीलाई भावनात्मक रुपमा एकताबद्ध गराई समृद्ध सुनवलको अभियानमा महत्वपूर्ण भुमिका खेल्ने भन्दै नगरवासीलाई कार्यक्रममा उपस्थित हुन सुनवल प्रेस क्लबका अध्यक्ष रमेश भुसालले आग्रह गरे ।
होली मिलन कार्यक्रममा विभिन्न मनोरञ्जनात्मक कार्यक्रम गरिने विद्यालय व्यवस्थापन समिति महासघका अध्यक्ष ज्ञानहरि अर्यालले जानकारी दिए ।
