सुनवल।पश्चिम नवलपरासीको सुनवल ४ मा अवस्थित सुनवल युनाइटेड अंग्रेजी वोडिङ सेकेन्डरी स्कुलले २३ औं बार्षिकोत्सव मनाएको छ।
विद्यालयका संस्थापक तथा प्रिन्सपल धनराज चापागईको अध्यक्षता तथा प्याब्सन केन्द्रिय सचिव सुर्वण न्यौपानेको प्रमुख आतिथ्यतामा बार्षिकोत्सव मनाइएको हो । केन्द्रिय सचिव सुर्वण न्यौपानेले समाज रुपान्तरणको लागी संस्थागत विद्यालयहरुको भुमिका महत्त्वपूर्ण हुने बताउनुभयो। शैक्षिक सुधारको लागी विद्यालय,विद्यार्थी साथै अभिभावकको पनि उत्तिकै भुमिका रहने प्याब्सन केन्द्रिय सचिव न्यौपानेको भनाई छ ।
बार्षिकोत्सव कार्यक्रममा विद्यालयको शैक्षिक प्रतिवेदन विद्यालयका संस्थापक तथा प्रिन्सीपल धनराज चापागाईले प्रस्तुत गर्नुभएको थियो । सो अवसरमा वि.स २०७१ देखि २०७७ सम्म विद्यालय तह उत्तीर्ण सवै विद्यार्थी र अभिभावकहरुलाई सम्मान गरेको विद्यालयले जनाएको छ।त्यस्तै शैक्षिक र अतिरिक्त क्रियाकलाप अन्तरर्गत विभिन्न विधामा उत्कृष्ट प्रस्तुत गरेको विद्यार्थीहरुलाई पुरस्कार वितरण गरिएको छ। त्यस्तै वि.स २०७६ को प्रादेशिक डान्स आइकनमा प्रथम हुने ४ जना विद्यार्थीहरुले प्राप्त गरेको पुरस्कार हस्तान्तरण गरेको विद्यालयका प्रिन्सिपल धनराज चापागाईले जानकारी दिनुभयो।
वार्षिकोत्सव कार्यक्रममा सुनवल नगरपालिका शिक्षा शाखाका पशुपति भट्टराई,जिल्ला प्याब्सन अध्यक्ष गुरुदत्त पौडेल,प्याब्सन प्रमुख सल्लाहाकार इन्द्र वहादुर गुरुङ,जिसन नवलपरासी अध्यक्ष सन्तोष रौनियार,सुनवल नगरपालिका वडा नम्वर ४ का वडासदस्य वालकृष्ण पंगेनी,प्याब्सन सुनवलका अध्यक्ष कृष्ण पौडेल,कृष्ण मन्दिर समितिका अध्यक्ष यामप्रसाद ढकाल,युवा समाजसेवि राजकुमार तिवारी,विद्यालयका भुतपुर्व विद्यार्थी सरीता थापा र कृष्ण घिमिरे लगाएतले शुभकामना मनतब्य राख्नुभयो।त्यस्तै स्वागत मनतब्य विद्यार्थी मिसन पंगेनीको रहेको थियो भने विद्यार्थीहरु आसीका अधिकारी,कृष्ण घिमीरे र मिसन पंगेनी ले संचानल गरेको कार्यक्रमको सहजीकरण शिक्षक कुमार केसिले गर्नुभएको थियो । युनाइटेड अंग्रेजी वोडिङ सेकेन्डरी स्कुलमा मन्टेश्वरी देखि कक्षा १० सम्म पठनपाठन हुदै आएको छ ।
