रुपन्देही।लामो समयदेखि निरन्तर सञ्चार क्षेत्रमा आबद्ध सञ्चारकर्मी एवम सर्जक सुरज थापा मगरले स्वतन्त्र उम्मेदवारी घोषणा गरेका छन।
सञ्चारकर्मी मगरले गुल्मी कालिगण्डकी गाँउपालिका वडा न ३ को वडा अध्यक्ष पदमा स्वतन्त्र उम्मेदवारका रुपमा आज फेसबुक मार्फत् घोषणा गरेका हुन।
स्थानीय तहको निर्वाचनको मिति नजिकिँदै गर्दा गाउघर देखि सहर सम्म,चिया चाैतारा देखि मेलापात सम्म स्थानिय तहमा उम्मेदवार कोको होलान भनि चर्चा परिचर्चा भइरहदा थापाले उम्मेदवारी घोषणा गरेका हुन।
राजनीतिमा अझ शासन सत्तामा शिक्षित युवा आउनु पर्छ भन्ने माग बढिरहदा उनको उम्मेदवारी सकारात्मक देखिन्छ ।
सञ्चारकर्मी सुरज थापाले आफ्नो फेसबुकमा यसो लेख्नुहुन्छ :-
नमस्कार ! म सञ्चारकर्मी सुरज थापा मगर, विगत १८ बर्ष देखि सञ्चार क्षेत्रमा क्रियाशील छु । सञ्चारकर्मी भई रहदा देशकाे राजनितिलाई नजिक बाट नियाल्दै अाएकाे छु । म सञ्चारकर्मी भएकाे नाताले अाजकाे मिति सम्म खुलेर राजनिति गरेकाे छैन । तर अाज घाेषणा गर्दैछु कि मैले २०७९ साल बैशाख ३० गते हुने स्थानिय चुनावमा गुल्मी जिल्ला कालिगण्डकी गाउँकालिका वडा नं. ३ (साविक जयखानी गाविस) मा स्वतन्त्र उम्मेद्वारकाे रूपमा वडा अध्यक्षमा उठ्ने निर्णय गरेकाे छु । मलाई मेराे वडाका वडावासीहरूकाे विश्वासकाे मत लिन सक्ने छु, भन्ने लागेकाे छ । मेराे चुनावी घाेषणा पत्र सहित वडाकाे हरेक घरघरमा अाउने छु ।
🇳🇵🇳🇵🇳🇵🇳🇵
जय देश ! जय युवा !!
