लमजुङ्ग।नेकपा निकट बिधार्थी संगठन अखिल (क्रान्तिकारी) लमजुङ्गले मध्य नेपाल नगरपालिका लाइ ७ बुद्दे माग पत्र बुझाएको छ
मध्य नेपाल नगरपालिकाका उपमेयर राजकुमार श्रेष्ठलाई अखिल( क्रान्तिकारी)का केन्द्रिय सदस्य तथा लमजुङ जिल्ला इन्चार्ज राजन साउदले उक्त माग पत्र बुझाएका छन।मागपत्र बुझाउने क्रममा मध्य नेपाल नगरपालिका वडा न. ४ का वडा अध्यक्ष निर्मल गौतम समेत सहभागी रहनु भएका थिए।
मागपत्र बुझाउने क्रममा नगर उपप्रमुख श्रेष्ठले मागहरु जायज रहेको र ती मागहरु नगर प्रमुख समक्ष राखी कार्यनयनको लागि पहल गर्ने बताएका छन।
अखिल क्रान्तिकारीले भने २ हप्ता भित्र मागहरु कार्यनयनमा नलिए थप संघर्षमा जाने बताएका छन ।
यस्ता छन मागहरु:
१.सरकारी सार्वजनिक तथा सामुदायिक विद्यालयहरुले कुनै पनि बाहानामा र उप-शिर्षकका नाममा लिइराखेको शैक्षिक शुल्क तत्काल खारेज गरियोस् ।
२.सरकारी सार्वजनिक तथा सामुदायीक विद्यालयहरुमा नेपाली भाषा र अंग्रेजी भाषाको नाम लिई एउटै विद्यालयका विद्यार्थीहरुमा भएको विभेदलाई संस्थागत गर्न खोजिएकाले सो कार्य तत्काल खारिज गरी काम विद्यार्थीको समान र निशुल्क रुपमा पहन पाउने अधिकार सुनिश्चत गरियोस् ।
३.सरकारी सार्वजनिक तथा सामुदायिक विद्यालयहरुमा कतै शिक्षक दरबन्दी बढी हुने र कतै नपुग्ने स्थितिको अन्त्य गर्न तत्काल शिक्षक दरबन्दी मिलान गरियोस् ।
४.निजि शैक्षिक संस्थाहरुले मनपरि असुल गरिराखेको शैक्षिक शुल्कमा नियन्त्रण गरि एकरुपता कायम गरियोस् ।
५.अवैधानिक मापदण्ड पुरा नगरिएका टियुसन सेन्टर, कन्सल्टेन्सी र सम्पूर्ण शैक्षिक संस्थाहरु खारेज गरियोस् ।
६.सार्वजनिक यातायात क्षेत्रमा विद्यार्थी परिचय पत्रको आधारमा दिइने ४५% छुट पुर्ण रुपमा कडाइपुर्वक लागू गरियोस् ।
७. सरकारी विद्यालयले सञ्चालन गरेर सरकारी नम्बर प्लेटको (सेतो नम्बर प्लेट ) गाडीमा विद्यार्थीबाट भाडा उठाएको पाइएको हुदा यो तत्काल खारिज गरियोस ।मागपत्र:
