माघ २२,प्युठान ।
प्युठानमा बेहुली लिएर फर्किँदै गरेको जीप दुर्घटना भएको छ ।
नौबहिनी गाउँपालिकाको लुङबाट बेहुली लिएर गौमुखी गाउँपालिकाको लिवाङ जाँदै गरेको ग १ ज ५०९२ नम्बरको जीप आज बिहान एक बजे ओखरपाटामा दुर्घटनामा हुँदा ६ जनाको घटनास्थलमै ज्यान गएको छ । दुर्घटनामा अन्य सात जना गम्भीर घाइते भएका छन् ।
दुर्घटनामा बेहुला, बेहुली नै गम्भीर घाइते भएका छन् । उनीहरुकाे बिजुवार अस्पतालमै उपचार भइरहेकाे जिल्ला प्रहरी कार्यालय प्युठानका प्रमुख सत्यनारायण थापाले बताउनु भएकाे छ ।
घाइतेहरूलाई उपचारका लागि जिल्ला अस्पताल बिजुवार लगिएको थापाले बताउनुभयो । जीप सडकबाट ३ सय मिटर तल खोल्सामा खसेको थियाे ।
दुर्घटनाबारे थप विवरण आउन बाँकी रहेकाे छ।
