भुमही।भुमहीमा जारी प्रथम स्व. बिमल–बिनोद स्मृति कप ९ ए साइड नकआउट फुटबल प्रतियोगितामा आयोजक राइजिङ स्टारले दोस्रो खेलमा सेभेन स्टार एफसीलाई १–० गोल अन्तरले पराजित गर्दै विजयी सुरुवात गरेको छ।
राइजिङ स्टारका हरि काफ्लेले निर्णायक गोल गर्दै टोलिलाई जित दिलाए। खेलको म्यान अफ द म्याच हिमाल थापा घोषित भए।
प्रतियोगितामा १६ टोली सहभागी छन्।
विजेताले रु ५०,०५१ उपविजेताले रु २५,०५१ सहित ट्रफी पाउनेछन्। साथै म्यान अफ द म्याच, सर्वोत्कृष्ट खेलाडी, सर्वाधिक गोलकर्ता र उत्कृष्ट गोलरक्षकलाई आकर्षक पुरस्कार प्रदान गरिने आयोजकले जनाएको छ।आइतबार तेश्रो खेल अन्नपूर्ण मावि र तिरुपति एफसी बीच हुनेछ।
