सुनवल।पश्चिम नवलपरासीको सुनवल-६ स्थित जनसेवा माध्यमिक विद्यालयले आगामी भदौ २१ गते शनिबार अभिभावक भेला गर्ने भएको छ।
विद्यालय व्यवस्थापन समितिको कार्यकाल भदौ २५ गते समाप्त हुने भएकाले साउन २४ गतेको बैठक निर्णय अनुसार सो भेला आयोजना गर्न लागिएको विद्यालयका प्रधानाध्यापक फानप्रसाद श्रेष्ठले जानकारी दिए।
भेलामार्फत विद्यालय व्यवस्थापन समितिको पुन:गठन समेत हुने भएकाले सबै विद्यार्थीका अभिभावकलाई अनिवार्य उपस्थितिका लागि निमन्त्रणा गरिएको प्रधानाध्यापक श्रेष्ठले बताए।
यस्तै विद्यालयमा अध्ययनरत करिब ८ सय विद्यार्थीको रहेकोमा ५ सय ९८ जना अभिभावकहरुको नामावली सार्वजनिक गरिएको अभिभावक संघका अध्यक्ष केशवराज खनालले बताए।
