सुनवल।पश्चिम नवलपरासीको सुनवल नगरपालिका–१२ प्रतापपुरस्थित एक कृषि फर्ममा आगलागी भएको छ।प्रतापपुरका नारायण प्रसाद पाण्डेले सन्चालन गर्दै आएको एकीकृत कृषि फर्ममा आगलागी भएको हो।
बुधबार बिहान साढे ११ बजे विद्युत् सर्ट भएर आगलागी भएको स्थानीयवासीको सहयोगमा रामग्राम नगरपालिका र बर्दघाट नगरपालिकाबाट खटिएको दुईवटा दमकलको प्रयोग गरेर बिहान एक घण्टी पछी आगो नियन्त्रणमा लिइएको जिल्ला प्रहरी कार्यलय सूचना बिरदत्त पन्तले जानकारी दिए।
आगलागीबाट फर्ममा रहेको गहुँको भुस,जस्ता पाता, काठ, गाईभैंसीलाई खुवाउन राखिएको दाना, गिजर, र पानी हिल ट्याङ्की जलेर नष्ट भएका छन। प्रहरीका अनुसार आगलागीबाट हुँदा अनुमानित ४ लाख ६५ हजार रुपैयाँ बढीको क्षति भएको छ।
आगलागीबाट कुनै मानवीय वा चौपायामा क्षति भने नभएको जनाइएको छ। घटनाबारे थप अनुसन्धान जारी रहेको प्रहरीले जनाएको छ।
यता स्थानीयवासीले भने सुनवल नगरपालिकामा अझैसम्म आफ्नै दमकल सेवा नहुनुमा आक्रोश व्यक्त गरेका छन।दमकलको माग र आवश्यकता लगातार उठाइँदै आए पनि जापान सरकारको सहयोग आउन लागेको दमकलबारे नगरप्रमुख बिमला अर्यालले तीन महिना अघि “कहिले कलकत्ता र कहिले बिरगंज आएर भन्सार प्रक्रियाले रोकिएको बताउदै आए हालसम्म दमकल आउन नसकेको भन्दै नागरिकहरूले आलोचना गरेका छन।
