सुनवल।सुनवल -११ जर्गाहामा जारी मधु स्मृति खुल्ला फुटबल प्रतियोगिता अन्तर्गत दोस्रो सेमिफाइनल खेलमा लुम्बिनी सेकेन्डरी स्कुलले मोनस्टार गाइजलाई पेनाल्टी सुटआउटमा पराजित गर्दै फाइनलमा प्रवेश गरेको छ।
निर्धारित समयमा दुबै टोलीबीच खेल १–१ गोलको बराबरीमा टुङ्गिएको थियो। ट्राईबेकरमा लुम्बिनीले मोनस्टारलाई ५ का विरुद्ध ६ गोल गर्दै फाइनलमा प्रवेश गरेको हो।
यस जितसँगै लुम्बिनी सेकेन्डरी स्कूल फाइनलमा रोयल भुतहा क्लब प्रतिस्पर्धा गर्नेछ ।पहिलो सेमिफाइनल खेलमा भुतहा क्लबले भुमही रिकन्डिसनलाई २–० गोल अन्तरले पराजित गरेको थियो।फाइनल खेल असार २८ गते शनिबार जर्गाहा खेल मैदानमा हुनेछ ।
