भुमही।पश्चिम नवलपरासीको भुमहीमा आयोजित लुम्बिनी प्रदेशस्तरीय खुला दोस्रो रामनगर तेक्वान्दो प्रतियोगिता सम्पन्न भएको छ। भुमहीस्थित रामनगर तेक्वान्दो एकेडेमी हलमा सम्पन्न प्रतियोगितामा लुम्बिनी प्रदेशका १२ जिल्लाका विभिन्न उमेर समूहका पुरुष तथा महिला गरी ४२५ भन्दा बढी खेलाडी सहभागी भएका थिए।
प्रतियोगितामा पुम्सेतर्फ अल्फा तेक्वान्दो डोजाङ दाङले ७ स्वर्ण, ३ रजत सहित कुल १० पदक जित्दै टोलीतर्फ प्रथम स्थान हासिल गर्यो। बुटवल डोजाङ २ स्वर्ण र ५ रजत सहित दोस्रो स्थानमा रहँदा तिलोत्तमा डोजाङ १ स्वर्ण र १ कास्यसहित तेस्रो स्थानमा रहेको खेल संयोजक टपन केवटले जानकारी दिए।
त्यसैगरी क्यारुगीतर्फ बुटवल डोजाङले ५ स्वर्ण र ३ कास्य जित्दै प्रथम स्थान प्राप्त गर्यो। रामग्राम डोजाङले ४ स्वर्ण, ८ रजत र ४ कास्य गरी १६ पदक जित्दै दोस्रो स्थान हासिल गर्यो। तेस्रो स्थानमा तिलोत्तमा डोजाङ रह्यो, जसले ४ स्वर्ण, १ रजत र १ कास्य गरी ६ पदक जित्यो। प्रतियोगिताभर गणेश बिक र निशा पुन मगर उत्कृष्ट खेलाडी घोषित भए ।
प्रतियोगितामा उत्कृष्ट प्रदर्शन गर्ने टोलीहरूलाई ट्रफी, स्वर्ण, रजत तथा कास्य पदकसहित प्रमाणपत्र प्रदान गरिएको थियो।
प्रतियोगिता लुम्बिनी प्रदेश सामाजिक विकास डिभिजन कार्यालय, भैरहवाको आयोजना, सुनवल नगरपालिका शिक्षा, युवा तथा खेलकुद शाखाको समन्वय र योङ्ग गोर्खालीज क्लबको व्यवस्थापनमा सम्पन्न भएको हो।
समापन कार्यक्रम सामाजिक बिकास डिभिजन कार्यालय प्रमुख हरि बिष्टको अध्यक्षता एव पुर्व मन्त्री एव लुम्बिनी प्रदेश सभा सदस्य खड्ग बस्नेत, सुनवल नगरपालिका युवा,शिक्षा तथा खेलकुद शाखा प्रमुख बिष्णु गोतामे, जिल्ला खेलकुद बिकास समिति उपाध्यक्ष रमेश कर्माचार्य,धर्मेन्द्र अग्रहरी लगायतको उपस्थिति रहेको कार्यक्रमको संचालन कृष्ण पाण्डेले गरेका थिए ।
