परासी।पश्चिम नवलपरासीको रामग्राम नगरपालिका वडा नम्बर १४ मा रहेको हडहिया पोखरीमा होमस्टे ९घरवास० निर्माण हुने भएको छ । जसका लागी मङ्गलबार लुम्बिनी प्रदेश सरकार र रामग्राम नगरपालिका बिच सम्झौतापत्रमा हस्ताक्षर भएको छ । मुख्यमन्त्री तथा मन्त्रिपरिषद्को कार्यालय लुम्बिनी प्रदेशमा मुख्यमन्त्री चेतनारायण आचार्य र रामग्राम नगरपालिकाका नगर प्रमुख धनपत यादवको उपस्थितमा उक्त सम्झौता भएको हो ।
कुल २ करोड रुपैयाँ बराबरको सम्झौता रकममा ९२ लाख रुपैयाँ रामग्राम नगरपालिकाको लागत साझेदारी रहने छ भने बाँकी १ करोड ८ लाख रुपैयाँ प्रदेश सरकारले उपलब्ध गराउने छ । मुख्यमन्त्री तथा मन्त्रिपरिषद्को कार्यालयको स्थानीय शासन सबलीकरण कार्यक्रममा व्यवस्था रहेको नवप्रवर्तन साझेदारी कोषको माध्यमबाट प्रदेश तथा स्थानीय तहको सह लगानीमा नवीनतम परियोजनाहरू सञ्चालन गरी नवपर्वतनलाई संस्थागत गर्न रामग्राम नगरपालिका सँग उक्त सम्झौता गरिएको मुख्यमन्त्री कार्यालयका उपसचिव मोहन अर्यालले जानकारी दिए ।
थारू समुदायको बाहुल्य रहेका उक्त क्षेत्रमा जिविकोपार्जनमा टेवा पुर्याउँदै स्थानीय स्तरमा रोजगारी सृजन गर्न उक्त सम्झौता कोसेढुङ्गा सावित हुने रामग्राम नगरपालिकाका नगर प्रमुख धनपत यादवले बताए । पर्यटन प्रर्वद्धन गर्दे स्थानीय स्तरमा रोजगारी सृजना गर्न नयाँ परियोजना सञ्चालनको योजना बनाएपनि बजेट अभावका कारण समस्या हुँदै आएकोमा प्रदेश सरकार सँगको समन्वयमा होमस्टे सहितको कार्यक्रम सञ्चालन गर्न सम्भव भएको नगर प्रमुख यादवले बताए ।
तहगत रुपमा रहेका सरकारले स्थानीय तहसँग साझेदारी गर्दे नवितम कार्यक्रम सञ्चालन गर्न सके स्थानीय जनताको जीवनस्तर सुधार हुनुका साथै पर्यटन प्रर्वद्धन मार्फत आर्थिक समृद्धि हासिल गर्न सकिने नगर प्रमुख यादवको भनाई छ । सो क्रममा मुख्यमन्त्री चेतनारायण आचार्यले निर्माण कार्य समयमै सम्पन्न गरेर रामग्राममा नमुना घरबास कार्यक्रम संञ्चलान गर्न आग्रह गर्नुभयो । स्थानीय सरकार सँग साझेदारी गर्दे प्रदेश सरकार अगाडि बढ्न तयार रहेको बताउँदै उहाँले स्थानीय तहको सक्रियताले ठूला योजना सहज रुपमा कार्यान्वयन गर्न सम्भव हुने बताए ।
हडैया पोखरीमा होमस्टेसँगै पोखरी सौर्न्दयकरण गर्दे स्थानीय आयआर्जन गर्न कार्यक्रम संञ्चलान गर्ने गरी सम्झौता गरिएको रामग्राम नगरपालिकाका प्रमुख प्रशासकीय अधिकृत यम बहादुर कुँवरले जानकारी दिए ।
