सुनवल।पश्चिम नवलपरासीको सुनवलमा जारी प्रथम जेनिथ कप फुटबल प्रतियोगिताको उपाधि जेनिथ युवा क्लबले हात पारेको छ।जेनिथ युथ क्लब, सुनवल–३, किर्तिपुरद्वारा आयोजित प्रथम जेनिथ कप नकआउट फुटबल प्रतियोगिता फाइनलमा जेनिथ युवा क्लबले सुनवललाई २-१ गोलले हराउँदै उपाधी जितेको हो।
फाइनलको पहिलो हाफमा जेनिथका आशिष श्रेष्ठले १३ औ मिनेटमा गोल गर्दै टोलीलाई अग्रता दिलाएका थिए । दोश्रो हाफको ५३ औ मिनेटमा सुनवल ३ का रोजल दाहालले गोल गर्दै बराबरी बनाए पनि ८० औ मिनेटमा जेनिथका अनिल खडकाले उत्कृस्ट निर्णायक गोल गर्दै टोलीलाई उपाधि दिलाए । फाइनल खेलमा उत्कृष्ट प्रदशन गरेका अनिल खडका म्यान अफ द म्याच घोषित भए।
बिजेता टोलि जेनिथले नगद १ लाख १ हजार १ सय ११ रुपैयाँ र उपविजेता टोलि सुनवल ३ ले ५५ हजार ५ सय ५५ रुपैयाँ ट्रफी, मेडल, र प्रमाणपत्र प्राप्त गरेका छन।त्यस्तै विधागततर्फ उत्कृष्ट गोल रक्षक जेनिथ निलोका शैलेश बहादुर साही र उत्कृष्ट गोलकर्ता बिगबुद्दका पूर्ण बहादुर गुरुङ र उत्कृष्ट डीफेन्स जेनिथ निलोका कमल भट्टराई लाई समान ४ हजार र सर्वाकृष्ट खेलाडी जेनिथ निलोका सुजित बुढाथोकी ५ हजार साथै दैनिक उत्कृष्ट(मेन अफ द म्याच)खेलाडीलाई १ हजार ५ सय पुरस्कार प्राप्त गरेका थिए।
पहिलो सेमिफाइनलमा जेनिथ निलोले बिग बुद्ध एफसीलाई १-० साथै दोस्रो सेमिफाइनल खेलमा सुनवल ३ ले सम्झना एफसीलाई २-१ गोल अन्तरले पराजित गर्दै फाइनलमा प्रवेश गरेको थिए।
पुष १७ गतेदेखि जेनिथ रंगशाला भएको प्रतियोगितामा नवलपरासी रुपन्देही र पाल्पा जिल्लाका १६ ओटा क्ल्बले सहभागी रहेका थिए ।
