धनुषा प्रहरी हिरासतबाट ८ जना थुनुवा फरार

सफल पोष्ट

प्रकाशित मिति : सोमवार, अशोज ७, २०८१

धनुषा।जिल्ला प्रहरी कार्यालय धनुषाको हिरासतबाट ८ जना थुनुवा फरार भएका छन।

सोमबार बिहान ४ बजेतिर पुरुष थुनुवा कक्षको भेन्टिलेसन तोडेर ९ जना थुनुवा फरार भएकोमा एकजनालाई भने भाग्दै गर्दा पक्राउ गरिएको धनुषा प्रहरीले जनाएको छ।बाँकी ८ जनाको प्रहरीले खोजी गरिरहेको छ।

प्रहरीका अनुसार फरार हुनेमा लागुऔषध मुद्दाका रञ्जित मण्डल,रोशनकुमार मण्डल,अभास्कर कुमार यादव,विशाल मुखिया र अमितकुमार तथा अभद्र व्यवहारमा पक्राउ परेका बिक्की कार्की,मनिष मण्डल र सुमित मेस्तर छन।