सुनवल । महाकवी देवकोटा नमुना माविले ६४ औ वार्षिकोत्सव एव अभिभावक दिवस मनाएको छ । विद्यालयले गत माघ २२ गतेदेखि विविध कार्यक्रम गर्दै माघ २६ गतेसम्म वार्षिकोत्सव मनाएको हो ।
वार्षिकोत्सव कार्यक्रममा बोल्दै प्रतिनिधि सभा सदस्य एव पुर्व कानुन मन्त्री धुर्व बहादुर प्रधानले कर्मचारीहरुको ट्रेड युनियनहरु गर्दा काम गर्न असहज हुने गरेको बताए । महाकवी लक्ष्मी प्रसाद देवकोटा र मुनामदनलाई वर्तमान समयमा उत्तिकै महत्व दिनुपर्ने बताउदै इतिहासलाई सम्मान गर्दै विद्यालयमा राजनैतिक क्षेत्रबाट टाढा हुनुपर्नेमा जोड दिए । प्रधानले सुनवलमा शैक्षिक सग सगै सबै पक्षको सम्भावना रहेकाले अनुशासनले नै सस्कारयुक्त युवाहरुको उत्पादनमा मद्दत् पुग्ने भन्दै देवकोटा त्यसको उदाहरण देखिएको बताए । उनले कार्तयोजना बढाउन चुनौती रहेतापनि सुनवलको भविस्य राष्ट सग जोडिएको बताउदै गुणस्तरीय शिक्षाका लागि आवश्यक आफुले पहल गर्ने प्रतिबद्दता व्यक्त गरेका थिए ।
त्यसै कार्यक्रममा पुर्व गृह राज्यमन्त्री एव नेका नेता देवन्द्र राज कंडेलले विद्यालयले नवलपरासीको दक्षिणी भेग र उत्तरी भेगका जनतालाई जोड्ने माध्यम बनेको बताउदै जिल्लामा मात्र नभई राष्ट्रको पहिचानको रुपमा अगाडि बढेको बताए। विद्यालयले प्राविधिक शिक्षामा क्षेत्रमा जोड दिनुपर्ने बताए । विकास र राजनीति भिन्न क्षेत्र भएकोले विगतको विकासमा जग हाल्ने व्यक्तिलाई विर्सन् नहुने बताउदै राजनितिमा ईश्यार्लु र इख लिन नहुने र जित हार स्विकार्दै अगाडी बढ्नु पर्नेमा जोड दिए ।
कार्यक्रममा लुम्बिनी प्रदेश सभा सदस्य खड्ग बस्नेतले शिक्षण सिकाई क्रियाकलापमा परिवर्तन गर्नुपर्ने भन्दै पढाईमा मात्रै होइन सगै सिकाइलाई जोड्दै शिक्षालाई जीवन व्यवहारमा परिवर्तन गर्नुपर्नेमा जोड दिए ।
कार्यक्रममा सुनवल नगर प्रमुख विमला अर्याल ,सस्थापक नगर प्रमुख भिम बहादुर थापा , वडा नम्बर ४ का अध्यक्ष बालकृष्ण पंगेनी ,पुर्व व्यवस्थापन समति अध्यक्ष बिष्णु प्रसाद पौडेल र पुर्व शिक्षक कृष्ण लामिछानेले सुनवलमा सामुदायिक विद्यालयले उल्लेखनीय परिवर्तन गरेकोले अब व्यवहारिक ,नैतिक शिक्षा र प्राविधिक शिक्षामा सगै उत्पादन सहितको शिक्षण सिकाई क्रियाकलापमा जोड दिनुपर्ने भनाइ राखेका थिए ।
विद्यालयको प्रतिवेदन प्रस्तुत गर्दै विद्यालयका प्रध्यानाध्यापक खेमलाल शर्माले हाल २२ सय विद्यार्थीहरु रहेकोमा २५ सय विद्यार्थी पुरियाउने लक्ष्य रहेको बताए । त्यस्तै अध्यक्षको प्रतिवेदन प्रस्तुत गदै विद्यालय व्यवस्थापन समितिका अध्यक्ष अर्यालले विद्यालयको गुणस्तर वृद्धिको लागी उच्चतम प्रविधिहरु सहित दक्ष जनशक्तिको प्रयोगमा जोड दिएको वताए ।
गत माघ २२ गतेदेखि २६ गते सम्म विविध कार्यक्रम सहित वार्षिकोत्वस कार्यक्रममा अन्तर विद्यालय भलिवल प्रतियोगीता, अभिभावको घटौं फोर्ड कार्यक्रम लगाएत विद्यालयले आफ्नो अत्तिरिक्त कृयाकलापहरु समेत गरिएको विद्यालयले जनाएको छ । वार्षिकोत्वस कार्यक्रममा विद्यालयका पुर्व शिक्षक अक्षयकोष दाता एवं पुर्व विद्यालय संचालक कृष्ण देवकोटाले विद्यालयको ऐतिाहासिक पक्षलाई औल्याउदै विद्यालयको प्रगतिको लागी सवैको योगदानको स्मरण गरेका थिए।
