सुनवल।सुनवल नगर स्तरीय स्वास्थ्यतर्फको आर्थिक बर्ष ०७८/७९ को समिक्षा कार्यक्रम सम्पन्न भएको छ।सुनवल नगरपालिकाको आयोजना सम्पन्न समिक्षा कार्यक्रममा नगरपालिका भित्र रहेका १४ वटा स्वास्थ्य सस्थांहरुले १ बर्ष भित्र गरेका प्रगति विवरण प्रस्तुत गरेका थिए।
प्रमुख प्रशासकीय अधिकृत भक्ति राम मरासिनी को अध्यक्षता एवं नगर प्रमुख बिमला अर्यालको प्रमुख आथित्यतामा सम्पन्न कार्यक्रमको सहजीकरण सुनवल नगरपालिका स्वास्थ्य शाखाका सिनियर अहेव चुरामणी नेपालले गर्नुभएको थियो।
कार्यक्रममा बोल्दै प्रमुख अतिथि बिमला अर्यालले जबसम्म नगरबासी लाई स्वास्थ बनाइदैन तबसम्म समृद्ध र सुखी नगरपालिका बनाउन नसकिने बताउनुभएको छ।उहाँले त्यसको लागि नगर भित्र रहेका सबै स्वास्थ्य सस्ंथाका स्वास्थकर्मिहरुलाई जिम्मेवार भएर सेवा प्रवाह गर्न आग्रह समते गर्नुभयो ।
साथै उहाले निकट भविष्य मै नगरबासीलाई स्वास्थ्यको प्रत्याभूत प्रदान गर्न ७० बर्ष माथिका जेष्ठ नागरिकहरुलाई घर-घरमै गई स्वास्थ्य सेवा प्रदान गरिने समेत उल्लेख गर्नुभएको छ ।
