सुनवल।राष्ट्रिय लोक तथा दोहोरी गीत प्रतिस्ठान नवलपरासीको आयोजनामा हुन् लागेको लोक सास्कृतिक एवम पर्यटन महोसत्वको तयारी पुरा भएको छ।प्रतिष्ठानको आयोजनामा यहि असार २३ गते देखि साउन ५ गते सम्म सुनवल नगरपालिका-१३ को सुन्दरबस्तीमा गर्न लागिएको मेलाको तयारी पुरा भएको मेला स्थलमा पत्रकार सम्मेलन गरी जानकारी गराइएको हो।
प्रतिष्ठानको आयोजनामा“नेपाली मौलिक लोकदोहोरी गीतको जर्गेना गर्ने”उद्देश्यसहित बिहीबारदेखि सञ्चालन हुने यो मेला दोश्रो संस्करणको लोक सास्कृतिक एवम पर्यटन महोत्सव हो।प्रतिष्ठानले यसअघि पहिलो पटक २०७५ मा लोक सांस्कृतिक तथा पर्यटन महोत्सव गरेको थियो ।
नेपाली लोक दोहोरी,पुराना तथा मौलिक लोकभाकाहरुको संरक्षण गर्दै पुस्तान्तरण गर्न जिल्ला भित्रका धार्मिक एवं पर्यटकीय स्थलको प्रवर्द्धन लक्ष्य राखिएको र प्रतिष्ठानको कार्यालय निर्माण गर्ने उद्देश्यले महोत्सव गर्न लागिएको प्रतिष्ठानका अधक्ष्य भरत क्षेत्रीले जानकारी दिए।
दैनिक उपभोग्य सामग्री,लत्ताकपडा लगायत स्थानीय उत्पादन र होटल रेष्टुरेण्ट गरी पचास वटा स्टल रहने उक्त महोत्सवमा बाल उद्यान,रमाईलो मेला,दैनिक राष्ट्रिय तथा स्थानीय कलाकारहरुको बेजोड प्रस्तुती रहने अध्यक्ष क्षेत्रीले बताए।महोत्सव सञ्चालनका लागि करिब रु ३० लाख खर्च लाग्ने र करिब रु ३२ लाख आम्दानी हुने अनुमान गरिएको छ अध्यक्ष भने।
करिब चालिस हजार दर्शकले अवलोकन गर्ने लक्ष्य राखिएको उक्त मेलामा दैनिक रुपमा विभिन्न जातजाती,भाषाभाषीका संस्कृति झल्कने मौलिक सांस्कृतिक कार्यक्रम आयोजना हुने प्रतिष्ठानका सचिव भुपराज न्यौपानेले जानकारी दिनु भयो।न्यौपानेका अनुसार महोत्सव अवधिभर नेपाली लोक दोहोरी गीतको संरक्षण र प्रतिभा प्रस्फुटनमा टेवा पुग्ने उद्देश्यका साथ दोहोरी गीत प्रतियोगिता पनि आयोजना हुनेछ।परिचय पत्रको आधारमा जेष्ठ नागरिक कार्ड हुनेलाइ प्रवेश नि:शुल्क गरिनेका साथै विधार्थिलाइ टिकट रकमबाट ३०% छुट दिइने न्यौपानेले बताए।
पत्रकार सम्मेलनमा प्रतिष्ठान लुम्बिनी प्रदेश टिकाराम लुइँटेल,नवलपरासी उपाध्याक्ष ख्यामकला भण्डारी,बरिष्ठ उपाध्याक्ष रमेश पराजुली,कोषाध्यक्ष रामकुमार श्रेष्ठ लगायतको उपस्थिति रहेको थियो।
