बर्दघाट।पश्चिम नवलपरासीको बर्दघाट नगरपालिकामा नेकपा(एमाले) र राष्ट्रिय जनमुक्ति पार्टी बीच तालमेल गरी अगाडि बढ्ने सहमति भएको छ।
एमाले र जनमुक्ति बीच आज बसेको बैठकले स्थानीय चुनावमा तालमेल गरेर जिल्ला समन्वयको निर्वाचन सम्म जाने सहमति भएको हो।
स्थानीय चुनावमा सुर्य चुनाव चिन्हबाटै चुनाव लड्ने भएपछि गठबन्धन मात्रै नभएर जनमुक्ति पार्टी अघोषित रुपमा एमालेमा समाहित भएको भन्दै आलोचना समेत भएको छ।
राष्ट्रिय जनमुक्ति पार्टीलाई उपप्रमुख,वडा नं .२ को वडा अध्यक्ष सहित ६ जना वडा सदस्य र नेकपा (एमाले)ले प्रमुख,१५ वटा वडा अध्यक्ष सहित बाँकी सदस्य लिई निर्वाचनमा प्रतिस्पर्धा गर्ने साथै दुवै दल नेकपा एमालेको चुवान चिन्ह सूर्य लिई जिल्ला समन्वयको निर्वाचनसम्म संयुक्त रूपमा अगाडी बढ्ने निर्णय भएको नेकपा (एमाले)बर्दघाट नगर कमिटी अध्यक्ष रविन्द्र हमाल र राष्ट्रिय जनमुक्ति पार्टीका वार्ता टोलि संयोजक शेर बहादुर थापाद्वारा जारी संयुक्त विज्ञप्तिमा उल्लेख गरिएको छ।
काङ्ग्रेस,एकीकृत समाजबादी र माओवादी केन्द्रबिच तालमेल गर्ने बिषयमा चर्चा चलिरहेका बेला एक्लै चुनाव लड्ने बताईरहेको एमाले अतालिएर अन्ततःजनमुक्ति सग चुनावी तालमेल गरेको छ ।
एमालेका तर्फबाट धिरज शर्मा बस्यालनै दोहोरिने देखिएको छ।राष्ट्रिय जनमुक्ति पार्टीले नेपाली काङ्ग्रेस सग उपमेयरका लागि बार्गेनिङ गरेपनी काङ्ग्रेसको असहमति पछि जनमुक्तिले एमाले सग चुनाबी तालमेल गरेको हो ।
