सुनवल,चैत ११।साकुरा मेमोरियल बोर्डिङ्ग ईङ्गिलस सेकेण्डरी बिधालय सुनवल १ मा वक्तृत्वकला प्रतियोगिता सम्पन्न भएको छ।
साकुरा बाल क्लबको आयोजनामा बाल क्लबका अध्यक्ष सबिना पङ्गेनीको अध्यक्षता तथा बिधालयका प्राचार्य सुमित पाठकको प्रमुख आतिथ्यतामा तहगत रुपमा कक्षा १-३,४-६ र ७-९ गरि तीन तहमा वक्तृत्वकला आयोजना गरीएको थियो ।
प्रतियोगितामा कक्षा १-३ तर्फ ९ जनाले सहभागिता जनाएकोमा पियुष ठकुरी प्रथम, संचित बस्याल द्धितिय र मुस्कान सिं केसी तृतिय भए । यस्तै कक्षा ४-६ तर्फ ९ जना सहभागी मध्ये लोसीका धमेल प्रथम, ईच्छा पाठक द्धितिय र एञ्जल मल्ल तृतिय भएका छन् । कक्षा ७-९ तर्फ ६ जना विद्यार्थीले सहभागिता जनाएका थिए । जसमा समृद्धि थापा प्रथम,सलिना रसाईली द्धितिय र समिर कँवर तृतिय भएका छन् ।
बाल क्लबकी सदस्य इच्क्षा पाठकको स्वागत मन्तब्य रहेको उक्त कार्यक्रममा बिशेष अतिथिहरु बिधालय संयोजक चिरन्जिवी बस्याल,अतिरिक्त कृयाकलाप संयोजक रोशन श्रेस्ठ,प्री प्राइमरी संयोजक शान्ती कार्की र मन्टेशोरी संयोजक जानकी लम्साल रहनु भएको थियो । यस्तै निणर्ायक मन्डलमा शिक्षकहरु उमेश रोका, सुनिल कुमाल र येशु श्रेष्ठ रहनु भएको थियो। कार्यक्रमको सञ्चालन बाल क्लबका आयुष अर्याल र जस्टिना थापाले गर्नुभएको थियो।
सो अवसरमा शैक्षिक वर्ष २०७६/७७ र २०७८ सालको अतिरिक्त कृयाकलापको पुरस्कार वितरण सहित अन्य साँस्कृतिक कार्यक्रम आयोजना गरीएको थियो ।
