विद्यालयका शिक्षक रामाशंकर राउत थारुका अनुसार पढाइ भईरहेकै बेला छात्रा अचानक बेहोस भएकि थिइन।‘कक्षा ८ मा पढ्ने एक जना छात्रा हिजो बेहोस भएकी थिइन । आज एकै दिन ७ कक्षादेखि १० कक्षासम्मका १४ जना बेहोस भए,’  ‘हामीले नजिकैको स्वास्थ्य संस्थाबाट स्वास्थ्यकर्मी बोलाएर उपचार सुरु गर्‍यौं । एक जना बेहोस भएपछि विद्यार्थी रुवाबासी गर्न थाले र अरु पनि बेहोस भए ।’

बेहोस भएका छात्राको पटेर्वा सुगौली स्वास्थ्य चौकीमा उपचार गरिएको थियो । जसमध्ये ४ जनालाई थप उपचारका लागि वीरगञ्जको नारायणी अस्पतालमा पठाइएको छ । २ जनालाई सास फेर्न गाह्रो भएपछि अक्सिजन लगाएर पठाइएको उनले बताए ।

विद्यार्थी बेहोस भएपछि विद्यालयको पठनपाठन समेत अवरुद्ध भएको छ । अरु विद्यार्थी पनि अचेत हुन सक्ने आशंकामा सबैलाई घर पठाइएको विद्यालयले जनाएको छ ।