सुनवल।पश्चिम नवलपरासीको सुनवलमा जारी प्रथम जेनिथ कप फुटबल प्रतियोगितामा उपाधिका लागि आयोजक जेनिथ निलो र सुनवल ३ बीच प्रतिस्पर्धा हुने भएको छ। दोस्रो सेमिफाइनल खेलमा सुनवल ३ ले सम्झना एफसीलाई २-१ गोल अन्तरले पराजित गर्दै फाइनलमा स्थान सुरक्षित गरेको हो।
सुनवल ३ ले सम्झना एफसीलाई पराजित गरे संगै उपाधिका लागी जेनिथ निलो संग भेट पक्का पक्का गरेको हो। खेलमा सुनवल ३ का धर्मेन्द्र चौधरीले निर्णायक प्रदर्शन गर्दै दुई गोल गरे।यद्यपि सम्झना एफसीले पनि उत्कृष्ट प्रयास गर्दै १ गोल फर्काए, तर त्यो जितका लागि पर्याप्त भएन।
आजको खेलमा धर्मेन्द्र चौधरी”म्यान अफ द म्याच” घोषित भए। पहिलो सेमिफाइनल खेलमा जेनिथ निलोले बिग बुद्ध एफसीलाई १-० ले पराजित गर्दै फाइनलमा स्थान पक्का गरेको हो।
उपाधिका लागि सुनवल ३ ले जेनिथ बिरुद्द माघ ३ गते खेल्ने छ। जेनिथ युथ क्लब, सुनवल–३, किर्तिपुरद्वारा आयोजित प्रथम जेनिथ कप नकआउट फुटबल प्रतियोगिता विजेताले उपाधिसहित नगद १ लाख १ हजार १ सय ११ रुपैयाँ र उपविजेताले ५५ हजार ५ सय ५५ रुपैयाँ ट्रफी, मेडल, र प्रमाणपत्र प्राप्त गर्नेछन्।
त्यस्तै विधागत तर्फ उत्कृष्ट गोल रक्षक र उत्कृष्ट गोलकर्तालाई समान ४ हजार र सर्वाकृष्ट खेलाडीलाई ५ हजार साथै दैनिक उत्कृष्ट(मेन अफ द म्याच)खेलाडीलाई १ हजार ५ सय पुरस्कार प्राप्त गर्ने क्लबका सहसचिव संसार रानाले जानकारी दिए।
