सुनवल। प्रथम जेनिथ कपको फाइनलमा जेनिथ निलो टिमले प्रवेश गरेको छ।पहिलो सेमिफाइनल खेलमा जेनिथ निलोले बिग बुद्ध एफसीलाई १-० ले पराजित गर्दै फाइनलमा स्थान पक्का गरेको हो ।
जेनिथका सुरज बुढाथोकीले निर्णायक गोल गर्दै टिमलाई जित दिलाए।उत्कृष्ट प्रदर्शन गरेका कमल भट्टराई “म्यान अफ द म्याच” घोषित भए।
दोश्रो सेमिफाइनल खेल सुनवल ३ र सम्झना एफसीबीच हुनेछ।जसको विजेताले जेनिथ निलोसँग फाइनलमा माघ ३ गते खेल्नेछ।
जेनिथ युथ क्लब, सुनवल–३, किर्तिपुरद्वारा आयोजित प्रथम जेनिथ कप नकआउट फुटबल प्रतियोगिता विजेताले उपाधिसहित नगद १ लाख १ हजार १ सय ११ रुपैयाँ र उपविजेताले ५५ हजार ५ सय ५५ रुपैयाँ ट्रफी, मेडल, र प्रमाणपत्र प्राप्त गर्नेछन्।
त्यस्तै विधागत तर्फ उत्कृष्ट गोल रक्षक र उत्कृष्ट गोलकर्तालाई समान ४ हजार र सर्वाकृष्ट खेलाडीलाई ५ हजार साथै दैनिक उत्कृष्ट(मेन अफ द म्याच)खेलाडीलाई १ हजार ५ सय पुरस्कार प्राप्त गर्ने क्लबका सहसचिव संसार रानाले जानकारी दिए।
