नुवाकोटमा बस दुर्घटना ३० घाइते,१० को अवस्था गम्भीर

सफल पोस्ट

प्रकाशित मिति : सोमवार, कार्तिक १, २०७८

कार्तिक १ नुवाकोट ।नुवाकोटको किस्पाङ गाउँपालिका-५ मनकामनामा बस दुर्घटना हुँदा ३० जना घाइते भएका छन् ।

घाइतेमध्ये १० को अवस्था गम्भीर रहेकामा तीन जनालाई हेलिकप्टरबाट उद्धार गरी उपचारार्थ काठमाडौँ लगिएको जिल्ला प्रहरी कार्यालयका प्रमुख प्रहरी उपरीक्षक तुलबहादुर कार्कीले जानकारी दिनुभयो ।

बा ४ ख ५७६२ नम्बरको बस किस्पाङ-१भाल्चेबाट त्रिशुली हुँदै काठमाडौँ जाने क्रममा दुर्घटनामा परेको थियो । छतमासमेत यात्रु राखिएको उक्त बसको ब्रेक फेल भई दुर्घटना भएको बुुझिएको छ ।