प्रकाश थापा डोटी,भदौ ३०। नेपाल कम्युनिस्ट पार्टी विप्लव निकट भातृसंगठन युवा संगठन डोटी द्वारा सहायक जिल्लाअधिकारी मार्फत प्रधानमन्त्री तथा गृहमन्त्रीको कार्यालयलाई नेपाल सरकार र नेपाल कम्युनिस्ट पार्टी बीच भएको तीन बुँदे सहमति कार्यान्वयन को माग राख्दै ज्ञापन पत्र बुझाएका छन् ।
तत्कालीन केपी शर्मा ओलीको सरकारले नेपाल कम्युनिस्ट पार्टी सँग तीन बुँदे सहमति गर्दै पार्टी माथि लागेको प्रतिबन्ध फुकुवा, झुट मुद्दा खारेज र आस्थाका बन्दी हरू रिहाई लगायतका तीन बुँदामा सहमति गरेको थियो । तर उक्त सहमति गरेको करिब ८ महिना बितिसक्दा पनि कार्यान्वयन नगरेकोमा युवा संगठन नेपाल को केन्द्रिय कार्यक्रम अनुसार डोटी जिल्ला पनि सम्पन्न भएको सुशील मालासिले बताएका छन् । उक्त सहमति कार्यान्वयन नगरे आफूहरु कडा संघर्षमा उत्रने चेतावनी समेत दिएका छन् ।

सो तीन बुँदे सहमति लाई अहिलेको देउवा सरकारले यथासिघ्र कार्यान्वयन गर्नुपर्ने माग राख्दै आज देशै भरी युवा संगठनले प्रत्येक जिल्लामा ज्ञापन पत्र सहित धर्ना कार्यक्रम गरेको छ
उक्त ज्ञापन पत्र बुझाउने कार्यक्रममा नेपाल कम्युनिस्ट पार्टीका जिल्ला सेक्रेटरी ध्रुव ओली, जिल्ला कमिटी सदस्य विद्रोही, युवा संगठन डोटीका संयोजक सुशील मलासी लगायत नेता कार्यकर्ता हरुको सहभागिता रहेको थियो ।

प्रकाशित मिति : २०७८ भाद्र ३० गते बुधवार