अनिल नेपाली माघ २० अर्घाखाँची । पूर्वप्रधानमन्त्री एवं जनता समाज पार्टीका अध्यक्ष डा बाबुराम भट्टराईले प्रधानमन्त्र ओलीको प्रतिनिधि सभा विघटन असंवैधानिक कदम विरुद्ध लोकतान्त्रिक शक्तिहरु एक भइ सडक आन्दोलन गर्नुको विकल्प नरहेको बताए ।

भट्टराईले सर्वोच्च अदालतले संसद् पुन:स्थापना गरिदेला भनेर पर्खेर बस्न नहुने र असंवैधानिक, अलोकतान्त्रिक र प्रतिगामी रहेको भन्दै सडक आन्दोलन गर्नुको विकल्प नभएको बताए ।

प्रेस नेपाल अर्घाखाँचीले मंगलबार सन्धिखर्कमा आयोजना गरेको पत्रकार सम्मेलनमा भट्टराईले संसद् पुन:स्थापना नहुने र वैशाखमा चुनाव नभए देश भयंकर द्वन्द्वमा जाने बताउदै देशलाई द्वन्द्वबाट बचाउन कांग्रेससहित सबै दल मिलेर आन्दोलन गर्नुको विकल्प नभएको उनको भनाइ छ ।

‘वैशाखमा चुनाव नभए ‘देशमा संकटकाल लाग्ने, यही बहाना बनाएर वैदेशिक हस्तक्षेप बढ्ने सक्ने बताउदै आफूले कांग्रेस सभापति शेरबहादुर देउवा, नेकपा अध्यक्ष पुष्पकमल दाहाल, माधव नेपालसहितका नेतालाई भेटेर आन्दोलनमा जानुपर्ने बताए

प्रकाशित मिति : २०७७ माघ २० गते मङ्गलवार