बुटवल साउन २६,
सिद्धार्थ राजमार्ग अन्तर्गतको बुटवल-पाल्पा सडक खण्डबाट एक बोलेरो जीप तिनाउ नदिमा खसेको छ ।
सुख्खा पहिरोमा परी पाल्पा देखि बुटवल आउदैन गरेको बा १८ च ७३३६ नम्बरको बोलेरो गाडी तिनाउँमा खसेको हो । मंगलबार विहान करिब १० बजे सिद्धबाबादेखि केहि अगाडि हेडबक्स नजिकबाट उक्त बलेरो तल नदी खसेको हो ।
प्रदेश ट्राफिक कार्यालय रुपन्देहीबाट डिएसपीको कमाण्डमा उद्दार गर्न सो स्थानमा पुगेको ट्राफिक कार्यालयले बताएको छ ।
सुख्खा पहिरोमा झरेको ढुंगाले गाडीलाई धकेलेर बाटोभन्दा झण्डै १५० मिटर तल नदीको सतहमा पुगेको हो ।
गाडीमा सवार ४ जनालाई घाईते अवस्थाबाट उद्दार गरिएको ट्राफिक प्रहरी उपरीक्षक डिल्लीनारायण पाण्डेले बताए ।
