परासी।पूर्व-पश्चिम राजमार्गअन्तर्गत नवलपरासी (बर्दघाट सुस्तापूर्व) नवलपुरको विनियी त्रिवेणीमा यात्रु बस दुर्घटना हुँदा २३ जना घाइते भएका छन।विनयी त्रिवेणी-१,स्थित विनयी खोलानजिक काठमाडौंबाट भारतको राजस्थानका लागि छुटेको बस दुर्घटनामा परेको हो।
जिल्ला प्रहरी कार्यालयका प्रवक्ता डीएसपी वेदबहादुर पौडेलका अनुसार आज राति करिब दुई बजेको समयमा आरजे १४ पीसी ३५४५ नम्बरको भारतीय बस आफैं अनियन्त्रित भएर सडमा पल्टिएको थियो।बस पल्टिँदा बसमा सवार २३ जना घाइते भएका छन।
बसमा करिब ४५ जना सवार रहेकोमा अन्य यात्रु भने सकुशल छन्।घाईतेहरूको स्थानीय विनिय त्रिवेणी आधारभूत अस्पतालमा उपचार भइरहेको प्रहरीले जनाएको छ ।
