अर्घाखाँची ।बैतडी दोगडाकेदार–७ की १७ वर्षीया छात्रा भागरथी भट्टको बलात्कारपछि भएको हत्याको विरोधमा राष्ट्रिय जनमोर्चा अर्घाखाँचीले सोमवार सन्धिखर्कको भक्तिटोल चोकमा कोणसभा गरेको छ ।
कोण सभामा मन्तव्य राख्दै राजमो जिल्ला उपाध्यक्ष गोपाल पौडेलले बलात्कारपछि हत्या गरीएकी भट्टको तत्काल हत्यारा पत्ता लगाई कडा कारबाही गर्न माग गर्नुभयो । पौडेलले शान्तिपूर्ण प्रदर्शनका क्रममा आइतबार काठमाडौंमा विद्यार्थी नेताहरुलाई गिरफ्तारी गरिएको भन्दै आपत्ति प्रकट गर्नुभयो ।
कार्यक्रममा मन्तव्य राख्दै अखिल छैठौंका केन्द्रीय उपाध्यक्ष देबेन्द्र कुवँरले छात्रा भागरथीको न्यायका लागि विरोध प्रदर्शन गरीएको बताउनुभयो । कुवँरले युनियनका केन्द्रीय अध्यक्ष विमल पोखरेल लगायतका नेताकार्यकर्तामाथि प्रहरीले गरेको ज्यादतीको विरोधमा कोणसभा गरीएकोे समेत जानकारी दिनुभयो ।
